Lifecard - dünyada ən kompakt tapança satışa çıxarıldı

Şimali Karolinanın Eşvill şəhərində yerləşən amerikan şirkəti Trailblazer Firearms kibrit qutusundan azacıq böyük ölçüdə olan əsl tapança hazırladı.

Yeni amerikan şirkəti Trailblazer Firearms-ın əsası  2014-cü ildə qoyulmuşdur və artıq cəmiyyətə dünyada ən kompakt tapança modelini təqdim etdi. Kiçik LifeCard səbəbsiz belə adlanmır: yığılmış vəziyyətdə o kredit kartı ölçüsündə olur. Tapançanın uzunluğu 8,59sm, qalınlığı isə 1,27sm-dir, yəni o ölçüsünə görə kibrit qutusundan və ya benzin alışqanından azacıq böyükdür.

LifeCard özündə birqat hərəkətli tətik mexanizmi ilə təchiz edilmiş 5,6mm kalibrli təkatılan tapança, alüminium çərçivə və paslanmayan poladdan lüləni təcəssüm etdirir. Dəstəkdə dörd patron üçün gizli yuva var, tapançanın çəkisi isə cəmi 198 qramdır – iPhone-dən çox da ağır deyil. İstehsalçılar əmin edir ki, LifeCard tapançasını asanlıqla pul kisəsi və ya şalvarın cibində gəzdirmək olar.

Tapançanın çərçivəsi bərk materialdan hazırlanıb, mexanizm isə 27 hissədən yığılıb. LifeCard-dan atəş açmaq üçün onu açmaq, əllə çaxmağı qaldırmaq və tətiyə basmaq lazımdır. Nişangah kimi lülənin yuxarı hissəsindəki v-ə oxşayan qanovdan istifadə edilir. Çərçivənin yanında tətiyi blok edən qoruyucu da var. Tapançanın qiyməti – cəmi 399 dollardır.

Müəllif: Famil Ələkbərov