![Naxçıvanın baş nazirindən karantin rejiminə götürülmə ilə bağlı QƏRAR](https://ens.az/images/news/58d7d68db75a23d1006cdc3d4a0218f0.png)
Naxçıvanın baş nazirindən karantin rejiminə götürülmə ilə bağlı QƏRAR
“Naxçıvan Muxtar Respublikasının ərazisində hava-damcı yolu ilə keçən yoluxucu xəstəliklər zamanı karantin nəzarətinə götürülmə Qaydaları” təsdiqlənib.
Ens.az Oxu.az-a istinadən xəbər verir ki, bununla bağlı Naxçıvanın Baş naziri Səbuhi Məmmədov qərar imzalayıb.
Qaydalar Naxçıvan ərazisində yoluxucu xəstəliklərin əmələ gəlməsi, yaxud yayılması təhlükəsi yarandığı zaman yoluxma riski olan və ya yoluxduğu güman edilən, eləcə də yoluxucu xəstəlik faktı təsdiq edilmiş insanlarla təmasda olan şəxslərin karantin nəzarətinə götürülməsi qaydalarını müəyyən edir.
Bu qaydalar yoluxucu xəstəliklərin yayıldığı xarici ölkələrdən Naxçıvan Muxtar Respublikasının ərazisinə gələnlərə, yoluxma faktı təsdiq edilmiş insanlarla təmasda olan şəxslərə şamil olunur.
Qaydalar xüsusi sanitar rejim müddətində tətbiq edilir.
Qərarda bildirilir ki, karantinə götürülmüş şəxslərə qanunvericiliyə uyğun olaraq psixoloji yardım göstərilir.
Şərhlər
Şərhləri göstər Şərhləri gizlət