Son xəbərlər
DÜNYA

Pit Heqsetdən Kanada qərarı: Hərbi əlaqələrə məhdudiyyət qoyuldu

Pit Heqsetdən Kanada qərarı: Hərbi əlaqələrə məhdudiyyət qoyuldu

Amerika Birləşmiş Ştatlarının hərb naziri Pit Heqset Kanada ilə hərbi sahədəki tərəfdaşlığa müəyyən məhdudiyyətlər qoyub.

Ens.az Oxu.az-a istinadən xəbər verir ki,bu barədə "The Washington Post" (WP) nəşri ABŞ hökumətindəki qaynaqlarına istinadən yazıb.

Mənbələrin bildirdiyinə əsasən, P.Heqset bununla bağlı göstərişi keçən həftə imzalayıb. Vurğulanır ki, Vaşinqton bu addımın rəsmi Ottava tərəfindən sərt qarşılanacağını və bir növ şillə effekti yaradacağını proqnozlaşdırır.

Məqalədə qeyd olunur ki, nazirin qəbul etdiyi qərarın Birləşmiş Ştatlar və Kanada orduları arasındakı əlaqələri hansı səviyyədə azaldacağı hələ tam aydınlaşmayıb. Bu qadağalar kəşfiyyat sferasındakı məlumat mübadiləsinə, eləcə də hər iki dövlətin Şimali Atlantika Alyansı (NATO) və Şimali Amerika Aerokosmik Müdafiə Komandanlığı (NORAD) xətti ilə apardığı müştərək fəaliyyətə şamil olunmayacaq.

Nazirin ictimaiyyətlə əlaqələr üzrə köməkçisi Şon Parnellin açıqlamasına görə, rəsmi Vaşinqton hər iki dövlətin yerləşdiyi yarımkürənin qorunmasını təmin edən, eləcə də Kanadanın NATO daxilindəki vəzifələrinin icrasına dəstək verən ikitərəfli tərəfdaşlıq formatlarına xüsusi önəm verir.

Xatırladaq ki, Prezident Donald Tramp oktyabr ayında Kanadanın gələcəkdə Birləşmiş Ştatların bir hissəsinə çevriləcəyini inamla dilə gətirmişdi. O, baş nazir Mark Karniyə bir neçə dəfə qubernator kimi müraciət edib. Lakin Kanada tərəfi bu cür birləşmə ehtimallarını qətiyyətlə təkzib edib. Sentyabrın sonlarında "The New York Times" nəşrinə danışan M.Karni vurğulayıb ki, hökumət bu ssenarinin gerçəkləşmə ehtimalının az kimi dəyərləndirsə də, son bir ildə ABŞ-nin mümkün hərbi müdaxiləsi riskinə qarşı hazırlıq görüb.

Təsdiqlənmiş hesab

Şərhlər

0 şərh

Hələ təsdiqlənmiş şərh yoxdur.