Polis “Tesla”nın sürücüsünü yatmış vəziyyətdə saxladı

Kaliforniya polisi “Tesla”-nın 100 km/s sürət ilə hərəkət zamanı avtopilotu işə salıb, sükan arxasında yatan sürücüsünü saxlayıb.  

İnsider.az xəbər verir ki, saxlanılan sürücü şəhər planlama üzrə Los Altos Komitəsinin üzvü, 45 yaşlı Aleksandr Samekdir.

Hadisə dekabr ayının 1-nə keçən gecə №101 şossesində baş verib. Polislərin diqqətini icazə verilən maksimal sürət ilə hərəkət edən “Model S” çəkib. Sürücü avtomobili kənara çəkmək tələblərinə reaksiya verməyib. 

Kaliforniya yol polisi nümayəndəsi Art Montelyenin sözlərinə görə, “Tesla”-ya yaxınlaşan polislər sürücünün sükan arxasında yatdığını görüblər. Avtomobilin dayandırmaq üçün önə keçən polislər, bütün bu əməliyyat boyu sürücünün yatmağa davam etdiyini bildiriblər.    

Avtomobili saxlamaq üçün polislərə yeddi dəqiqə vaxt lazım olub və heç kim xəsarət almayıb. Polis əməkdaşları sürücünü ən yaxın yanacaqdoldurma məntəqəsinə apararaq alkoqol testi keçirib və nəticə gözlənilən kimi olub.   

“SFGate” nəşri həbs edilən sürücü ilə əlaqə saxlamağa çalışıb, amma o şərh verməkdən imtina edib. 

“Drimsim” şirkətinin təsisçisi Sergey Redkov bu hadisəyə şübhə ilə yanaşır. Onun sözlərinə görə, “Tesla” işə salınmış avtopilot ilə hər 15-20 saniyədən bir sürücünün aktivliyini yoxlayır. 

“Bu edilmədiyi halda avtomobil qəza siqnalını işə salır və dayanır. Sadəcə yuxuya gedən insanın sükan üzərində olan əli, avtopilotun işi üçün yetərli amil deyil. 

Mən “Tesla”-mın özü hərəkət etsəydi çox sevinərdim, amma bu belə deyil, 1 dəqiqə ərzində bir neçə dəfə əli tərpətmək lazımdır”, - Sergey Redkov deyib.