Prezident hökuməti büdcəyə yenidən baxmağa çağırdı

Türkmənistan Prezidenti Qurbanqulu Berdiməhəmmədov hökumətə büdcəyə yenidən baxmağı təklif edib.

Axar.az xəbər verir ki, bu məlumatı “Neytral Türkmənistan” qəzeti yayıb. Məlumata görə, Berdiməhəmmədov 2020-ci ilin ilk rübündə operativ tədbirlərə xüsusi diqqət ayırmağa, eləcə də türkmən biznesini dünya böhranının neqativ təsirindən qorumağa çağırıb.

Prezident, həmçinin kiçik və orta biznesin kreditləşməsi proqramının genişləndirilməsinin vacibliyi barədə danışıb.