Putin Xəzər Konvensiyasının ratifikasiyası haqqında qanunu imzaladı
Rusiya Prezidenti Vladimir Putin “Xəzər dənizinin hüquqi statusu haqqında” Konvensiyanı ratifikasiya edən qanunu imzalayıb.
Bununla bağlı məlumat Kremlin rəsmi saytında dərc olunub.
Qanunla Xəzər dənizindən kollektiv istifadə qaydaları, dənizin dibinin sektorlara ayrılması, sualtı kabellərin və boru kəmərlərinin çəkilməsinin şərtləri və sahil dövlətləri arasında əməkdaşlığın digər məsələləri müəyyən edilib.
Xatırladaq ki, Xəzər dənizinin hüquqi statusu haqqında Konvensiya 2018-ci ilin avqust ayında Rusiya, Azərbaycan, İran, Qazaxıstan və Türkmənistan tərəfindən imzalanıb.
Bundan əvvəl, Rusiya Dövlət Duması və Rusiya Federasiya Şurası “Xəzər dənizinin hüquqi statusu haqqında” Konvensiyanı təsdiqləyib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət