Qaçqınlarla bağlı yeni bəyannamə qəbul edildi

BMT Baş Assambleyası qaçqınlarla bağlı Qlobal bəyannaməni qəbul edib.

Axar.az xəbər verir ki, 181 ölkə bu bəyannamənin lehinə, 2-si əleyhinə, 3-ü isə bitərəf qaydada səs verib.

Belə ki, 2016-cı ildə Nyu Yorkda Qaçqınlar və Miqrantlar haqqında Bəyannamənin qüvvəyə minməsi ilə ortaya çıxan Qlobal Qaçqınlar haqqında müqavilə miqrant qəbul edən ölkələrin yükünün azaldılması və qaçqınların öz-özünü təmin etmək qabiliyyətinin artırılmasını hədəfləyir.

Bundan əlavə, sənəddə qaçqınların təhlükəsiz və qürurlu şəkildə qayıdış şərtlərinin yaradılması nəzərdə tutulur.