![Qərargah: Xüsusi buraxılış rejimi qaydalarını pozan şəxslər hüquqi məsuliyyətə cəlb olunacaq](https://ens.az/images/news/2d592952ab64f1bf463e83eb3e139bef.jpg)
Qərargah: Xüsusi buraxılış rejimi qaydalarını pozan şəxslər hüquqi məsuliyyətə cəlb olunacaq
"Xüsusi buraxılış rejimi qaydalarını pozan şəxslər haqqında hüquqi məsuliyyət tədbirləri tətbiq olunacaq".
Bu barədə APA-ya Nazirlər Kabineti yanında Operativ Qərargahdan bildirilib.
Qeyd edək ki, Nazirlər Kabineti yanında Operativ Qərargahın qərarı ilə martın 19-da saat 00.00-dan etibarən xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla respublikanın şəhər və rayonlarında qeydiyyatda olan nəqliyyat vasitələrinin və onların sərnişinlərinin Bakı, Sumqayıt şəhərlərinə və Abşeron rayonuna buraxılması martın 29-dək dayandırılır.
Bakı, Sumqayıt şəhərləri və Abşeron rayonunda qeydiyyatda olan sərnişindaşıma nəqliyyat vasitələrinin (avtobus, mikroavtobus, taksi və s.) ölkənin başqa şəhər və rayonlarından Bakı, Sumqayıt şəhərlərinə və Abşeron rayonuna sərnişin daşımaları qadağan olunur.
Şərhlər
Şərhləri göstər Şərhləri gizlət