Məktəbəqədər və Ümumi Təhsil üzrə Dövlət Agentliyi və Azərbaycan Qida Təhlükəsizliyi İnstitutu Bakı və regionlarda fəaliyyət göstərən 900 məktəbəqədər təhsil müəssisəsində qida və infrastruktur üzrə monitorinqlər keçirib.
Ens.az Report.az-a istinadən xəbər verir ki, barədə məlumat Elm və Təhsil Nazirliyinin 2024-2025-ci tədris ilinə dair hesabatında yer alıb.
Qeyd olunub ki, bağçalarda 3200-ə yaxın direktor, aşpaz və aşpaz köməkçiləri üçün təlimlər keçirilib.
Hesabata əsasən, bu il ölkə üzrə 9 yeni bağçanın açılması planlaşdırılır.
Bildirilib ki, 2024-cü ildə yeni tikilən 14 məktəbəqədər təhsil müəssisəsi istifadəyə verilib. Bu ilin ötən dövründə 5 məktəbəqədər təhsil müəssisəsi isə əsaslı təmir olunub. Bu ilin yanvar ayından etibarən 11 bağçanın (2-si açılıb, 9 bağçanın açılması planlaşdırılır: ümumi tutumu - 900 yer) fəaliyyətə başlaması nəzərdə tutulub.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.