Sərkisyan aprel döyüşlərinə görə dindirilməyə çağırıldı

Sərkisyan aprel döyüşlərinə görə dindirilməyə çağırıldı

Ermənistanın keçmiş prezidenti Serj Sərksiyan 2016-cı ilin aprel döyüşləri üzrə araşdırma komissiyasına dəvət olunub.

Musavat.com erməni mediasına istinadən xəbər verir ki, bu barədə eks-prezidentin ofisinin mətbuat xidməti məlumat yayıb. Ofisə göndərilmiş məktubda qeyd olunub ki, aprel döyüşlərini araşdıran komissiya S.Sərkisyanı dinləmək istəyir. Keçmiş prezidentə komissiyaya aprelin 13-ü, yaxud 16-da gəlmək təklif edilib. Bu barədə mətbuat katibi Meri Arutyunyan açıqlamasında bildirib.

Ancaq bu müraciət S.Sərkisyanın rəhbərlik etdiyi Respublikaçılar partiyası tərəfindən narazılıqla qarşılanıb. Sədr müavini Armen Aşotyan koronavirus pandemiyasını xatırladaraq komissiyaya suallar ünvanlayıb. Aşotyan sual edib ki, nəyə görə 2016-cı ildə N.Paşinyan deputat kimi hərbi əməliyyatların Rusiyanın razılığı ilə başladığını bəyan etdiyi üçün komissiya tərəfindən dindirilməyə dəvət edilməyib?