Şotlandiya Böyük Britaniyanın tərkibindən çıxır

Şotlandiya Böyük Britaniyanın tərkibindən çıxır

Şotlandiya 1707-ci ildən bəri Böyük Britaniyanın tərkibindədir. Amma şotlandlar müstəqillik arzusu ilə alışıb-yanır.

Bizimyol.infio xəbər verir ki, Böyük Britaniyanın Avropa İttifaqından tam ayrılması haqda son qərar verilən kimi Şotlandiya da 312 il əvvəlki birləşmək müqaviləsini pozacaq. Bu bəyanatı palatada şotland milliyyətçiləri fraksiyasını təmsil edən İen Blekford verib. Onun dediyinə görə, Şotlandiya Milli Partiyası Böyük Britaniya parlamentində müstəqillik referendumu ilə bağlı düzəlişə baxılmasını irəli sürəcək. Siyasətçi deyir ki, şotlandların əksəri Avropa ilə bağların qopmasını istəmir. Yəni rəsmi Londonla Edinburqun siyasi baxışları üst-üstə düşmür.

Şotlandiyada artıq bir dəfə müstəqillik referendumu keçirilib. Amma 2014-cü il seçkisində bu aktın lehinə təxminən 45, əleyhinə 55 faiz səs verilmişdi.