Soyuq müharibənin qalibi kimdir? - Qorbaçov açıqladı

Soyuq müharibənin sona çatması hər iki tərəfin ortaq zəfəri idi.

Axar.az xəbər verir ki, bu sözləri SSRİ-nin keçmiş rəhbəri Mixail Qorbaçov deyib.

“Qərb siyasətçiləri, xüsusilə amerikalılar bu məsələdə özlərini qalib elan etdilər. Bunu hər yerdə yaydılar. Media da onlara yardımçı oldu”, - deyə Qorbaçov bildirib.

Sabiq rəhbər əlavə edib ki, Qərb siyasətçiləri bu təbliğatın Rusiyada nə cür qəbul ediləcəyini və əlaqələrə necə zərər verəcəyini diqqətə almadılar.