Stalinin adı tarixə qara hərflərlə yazılacaq - Jirinovski
Rusiyanın Liberal-Demokrat Partiyasının lideri Vladimir Jirinovski kommunistlərin İosif Stalinin məzarına əklil qoymaq niyyətini kəskin qınayıb və SSRİ liderinin adının Rusiya tarixinə yalnız qara hərflərlə yazılacağına ümid etdiyini bildirib.
Axar.az xəbər verir ki, bu barədə Jirinovski öz Teleqram kanalında yazıb.
“Kommunistlər Stalinin doğum günü münasibətilə onun məzarına, aprelin 22-də isə Leninin məzarına çələng qoyacaqlar. Ən dəhşətli cinayətlər məhz Stalin rejimi zamanı törədilib. Repressiyalar və siyasi rejimlərin qurbanları dünyanın müxtəlif ölkələrində olub, ancaq Stalinin dovründəki qədər heç harda olmayıb. Milyonlarla insan məhv edilib. Vaxt gələcək və bu, qadağan olunacaq, bütün Qızıl meydan məzarlardan təmizlənəcək”, - deyə Jirinovski qeyd edib.
Onun sözlərinə görə, Rusiya tarixində Stalinin dövrü qədər dəhşətli bir dövr olmayıb.
Şərhlər
Şərhləri göstər Şərhləri gizlət