Türkiyədə xaricdən gətirilən telefonların qeydiyyat xərci üç dəfə artırılıb

Ölkəyə xaricdən gətirilən mobil telefonların qeydiyyata alınması haqqı keçən ilin noyabr ayında 150 lirədən (45,3 manat) 500 lirəyə (151 manata) qaldırılmışdı.Fins.az xəbər verir ki,  "Rəsmi qəzetə"də verilmiş məlumata  görə, 2019-cu il iyul ayının 19-da həmin xərc üç dəfə artırılaraq 1500 lirəyə (453 manat) çatdırılıb və hökumətin bu qərarı iyulun 20-dən qüvvəyə minib. Türkiyədə istifadədə olan hər on telefondan biri xaricdən gətirilərək qeydiyyata alınır. Qeyd edək ki, əvvəllər hər Türkiyə vətəndaşı xaricdən gətirdiyi telefonu 2 ildə bir dəfə ölkə sisteminə qeyd etdirə bilərdi, bir neçə ay əvvəl bu müddət uzadılaraq üç ilə çatdırılmışdı.