ÜST İrana 100 ədəd kompüter tomoqrafiya aparatı verib

Ümumdünya Səhiyyə Təşkilatı (ÜST) koronavirusla mübarizənin səmərəsini artırmaq məqsədilə İrana 100 ədəd kompüter tomoqrafiya aparatı verib.

Ens.Az AZƏRTAC-a istinadən bildirir ki, bu barədə məlumatı ÜST-nin İran üzrə təmsilçisi Kristof Hamelman mətbuata verib. O qeyd edib ki, təşkilat hər zaman İrana yardım etməyə hazırdır. Onun sözlərinə görə bu aparatlarla insanların ciyərləri müayinədən keçiriləcək və virusa yoluxma aşkar ediləcək. Kompüter tomoqrafiya aparatının hər birinin qiyməti 3 milyon dollar dəyərindədir. Bu avadanlıqlar Yaponiya və Küveytin maliyyə dəstəyi ilə alınıb.

İranın Səhiyyə Nazirliyi açıqlama verərək ÜST-nin bu addımını yüksək qiymətləndirib və təşəkkür edib. Qeyd olunub ki, bu avadanlıqlar müxtəlif vilayətlərin xəstəxanalarında quraşdırılaraq əhaliyə xidmət göstərəcək.