XİN rəhbəri: COP29 çərçivəsində Azərbaycan Almaniyanın dəstəyinə arxayın ola bilər

“Mən şadam ki, bu il Azərbaycan COP29-un ev sahibidir”.

Ens.az 525.az-a istinadən xəbər verir ki,  bunu Almaniyanın xarici işlər naziri Annalena Berbok Azərbaycanın ekologiya və təbii sərvətlər naziri, COP29-un prezidenti Muxtar Babayevlə bu gün Berlində keçirilən 15-ci Petersberq İqlim Dialoqu çərçivəsində brifinqdə deyib.

XİN rəhbərinin sözlərinə görə, Azərbaycan bununla da iqlim mühafizəsi ilə bağlı üzərinə böyük məsuliyyət götürüb.

Berbok qeyd edib ki, bu tədbir çərçivəsində Azərbaycan Almaniyanın dəstəyinə arxayın ola bilər.

“Mən əmin olmaq istərdim ki, bu yol - Berlindən Bakıya olan iqlim körpüsü həm də Azərbaycan və Ermənistan arasında sülhə xidmət edəcək, sülh üçün körpü olacaq”, - nazir vurğulayıb.