![Yeni karantin qaydaları bu gecədən qüvvəyə mindi](https://ens.az/images/news/fbbbcdfb0c87c9d1d1d0b0438053a081.jpg)
Yeni karantin qaydaları bu gecədən qüvvəyə mindi
Koronavirus infeksiyasının Azərbaycanda geniş yayılmasının qarşısının alınmasına dair əlavə tədbirlər müəyyənləşdirilib.
Oxu.Az xəbər verir ki, bu barədə Nazirlər Kabineti yanında Operativ Qərargahdan məlumat verilib.
Bildirilib ki, tədbirlər çərçivəsində insanların fərdi evlərində və mənzillərində, daimi və ya müvəqqəti yaşadıqları yerlərdə qalmaları tələb olunur.
Qeyd olunanlarla əlaqədar insanların həyat və fəaliyyəti üçün zəruri olan iş və xidmət sahələrindən başqa digər istiqamətlər üzrə fəaliyyət martın 31-i saat 00:00-dan 20 aprel saat 00:00-dək dayandırılıb.
Vətəndaşların bir-biri ilə ünsiyyətini minimuma endirmək və bununla da infeksiyaya yoluxmanın sürətinin azaldılması məqsədilə bir sıra iş və xidmət sahələri üzrə fəaliyyət elan olunan müddətdə qadağan edilib.
Vətəndaşların isə yalnız müəyyən olunmuş hallar istisna olmaqla, evdən çıxmaları qadağan edilib.
Şərhlər
Şərhləri göstər Şərhləri gizlət