Zəfər Günü Azərbaycanın qüdrətinin rəmzi kimi tarixə düşdü - Deputat

Noyabrın 8-də Azərbaycan xalqı və dövləti tarixi Zəfərimizin üçüncü ildönümünü böyük coşqu ilə qeyd etdi. Özü də bu dəfəki ildönümü əvvəlki iki ildən xüsusilə fərqlənirdi. Çünki bu dəfə biz Zəfər Günümüzü, Zəfər bayramımızı işğaldan azad edilmiş bütün torpaqlarımızda suverenliyimizin bərpa olunduğu bir şəraitdə qeyd etdik. Bu bayramı əlamətdar edən digər bir məqam isə Xankəndidə hərbi paradın keçirilməsi idi.

Ens.az-ın məlumatına əsasən,bunu Trend-ə Milli Məclisin deputatı Vüqar İskəndərov deyib.

Onun sözlərinə görə, üç il öncə Vətən müharibəsində işğalçı ölkə ordusuna vurulan sarsıdıcı zərbələr, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun döyüş meydanında əldə etdiyi parlaq qələbə sonda topraqlaırmızın işğaldan azad edilməsinə yol açdı:

“Darmadağın olan düşmən sonda ağ bayraq qaldırdı. 2020-ci il noyabrın 10-da Azərbaycan, Rusiya prezidentlərinin və Ermənistanın baş nazirinin imzaladıqları birgə bəyanata əsasən, Ağdam, Kəlbəcər və Laçın rayonları azad olunmalı, məcburi köçkünlərin öz doğma yurdlarına qayıtmaları təmin edilməli idi və artıq hər üç rayon Azərbaycan ordusunun nəzarəti altındadır. Bu, hərb meydanında qazandığımız böyük qələbələrin diplomatik yolla davamı oldu. Lakin bu da son olmadı.Sonrakı proseslər və bu ilin sentyabrıında birgünlük lolak xarakterli antiterror tədbirləri nəticəsində ərazi bütövlüyümüz və suverenliyimiz tam bərpa olundu. Bir sözlə, Zəfər Günü Azərbaycanın dövlət müstəqilliyinin, suverenliyinin, gücünün və qüdrətinin rəmzi kimi tarixə düşdü”.

V.İskəndərovun sözlərinə görə, bəziləri düşünürdü ki, Azərbaycan 2020-ci il 8 noyabrda üçtərəfli bəyanatla təsbit edilmiş status-kvonu dəyişməyə cürət etməyəcək və əksər ərazilərlə Şuşanın azad edilməsi maksimal hədd olacaq:

“Onlar bunu belə əsaslandırırdılar ki, beynəlxalq aləm ermənilər yaşayan Azərbaycan ərazisində hər hansı əməliyyat keçirməyə və bu ərazilər üzərində Azərbaycanın nəzarətini bərpa etməyə imkan verməyəcək. Lakin Azərbaycan dövlətinin sarsılaz mövqeyi, cənab Prezident İlham Əliyevin qətiyyəti yenə də öz sözünü dedi”.

Deputat deyib ki, Azərbaycan dövləti, şəxsən Prezident İlham Əliyev bizi bu möhtəşəm qələbəyə aparan yolda düşünülmüş və nəticəyə hesablanan siyasət həyata keçirdi:

“Bu siyasətin mərkəzində isə dövlət başçısının qətiyyəti və xalqımızn qələbə əzmi dayanırdı. Azərbaycan Prezidenti İlham Əliyevin 8 Noyabr – Zəfər Günü münasibətilə Xankəndi şəhərində keçirilən hərbi paradda çıxışında bəyan etdiyi kimi, “Əziz şəhidlərimizin xatirəsi bizim qəlbimizdə əbədi yaşayacaq və biz bütün dünyaya Azərbaycan xalqının gücünü, iradəsini, əyilməz ruhunu göstərmişdik. Yəni, hazırlıq işləri apararkən, bax, biz bu günü gözləyirdik. Mən bu 20 il ərzində heç vaxt şübhə etmirdim ki, bu gün gələcək və Xankəndi şəhərində Azərbaycan Bayrağı altında hərbi parad keçiriləcək”.