Zelenski ABŞ-a səfir təyin etdi

Zelenski ABŞ-a səfir təyin etdi

Vladimir Yelçenko Ukraynanın ABŞ-da fövqəladə və səlahiyyətli səfiri təyin edilib. “Qafqazinfo” xəbər verir ki, bu barədə Prezident Vladimir Zelenski müvafiq fərman imzalayıb.

Qeyd edək ki, 60 yaşlı diplomat daha əvvəllər dünyanın müxtəlif ölkələrində səfir işləyib. O, 2010-cu ilin iyulunda Ukraynanın Rusiyada səfiri təyin olunub, lakin 2014-cü ilin martında Krım hadisələrinə görə Kiyevə geri çağırılıb.

Yelçenkodan öncə Ukraynanın ABŞ-da keçmir səfiri Valeri Çal (2016-2019-cu illər) olub.

Bundan başqa, V. Zelenski İordaniya, Moldova, Qətər və Çinə də səfirlər təyin edib.