Ağcaqanadlar koronavirusu ötürə bilərmi?

Patogen daşıyıcısı olan ağcaqanadlar ildə yarım milyondan çox insanın ölümünə və yüz milyonlarla ciddi xəstəlik hallarına səbəb olur. Ancaq onlar koronavirusa yoluxub sonra onu yaya bilərlərmi?

Ens.az bildirir ki, ağcaqanadların SARS-CoV-2 koronavirusunu ötürdüyünə dair elmi sübut yoxdur.

Ağcaqanadlar bəzi xəstəlikləri ötürə bilərlər

Ağcaqanadlar bir sıra virusları, o cümlədən denq, sarı qızdırma və digərləri ilə yanaşı, parazitlərin səbəb olduğu malyariya xəstəliyini də ötürə bilirlər. Ancaq HİV və Ebola da daxil olmaqla bir çox digər virusu ötürə bilmirlər. HİV-lə ağcaqanadlarının özü yoluxmur.

Alimlər tərəfindən Ebola virusunun geniş yayıldığı dövrdə on minlərlə ağcaqanad araşdırılmışdı, lakin onlarda bu virus tapılmamışdı.

Koronavirus deyil

Koronavirusa yoluxmuş insanların qan nümunələrində virus tapılsa da, ağcaqanad vasitəsi ilə yayıla biləcəyinə dair sübut yoxdur. Həşərat virusun kifayət qədər yüksək dozasını götürmüş olsa belə, ağcaqanad ona yoluxmayacaq. Ağcaqanad yoluxmursa, deməli insanlara ötürə də bilməyəcək.

Niyə yox?

Ağcaqanad kimisə sancıb qanını sorduqda, dərhal həşəratın bağırsağına gedir. Oradan, virus bağırsaqları bağlayan hüceyrələrə keçməli və bədənin qalan hissəsini yoluxdurmaq üçün ayaqlara, qanadlara və başına yayılmalıdır. Virus sonrakı dişləmə zamanı ağcaqanad tərəfindən ötürülmədən əvvəl tüpürcək vəzilərinə yoluxmalıdır. Bu proses bir neçə gündən bir həftəyə qədər davam edə bilər.

Ancaq buna əngəl olan təkcə vaxt deyil. Hər bir virus bağırsaqdan, bədəndən və tüpürcəkdən keçə bilməz. Bu müddətdə hər addım keçilməz bir maneəyə çevrilə bilər.

Mənbə: www.med2.ru