![Aİİ tələbələri Təhsil Sərgisində olublar](https://ens.az/images/news/f69a59b43cc284a52debbf35f377d2a5.jpg)
Aİİ tələbələri Təhsil Sərgisində olublar
Azərbaycan İlahiyyat İnstitutunun (Aİİ) tələbələri Bakı Ekspo Mərkəzində keçirilən XIII Beynəlxalq Təhsil Sərgisini ziyarət ediblər.
Aİİ-dən Trend-ə verilən məlumata görə, gənclər sərgidə İlahiyyat İnstitutunun və digər ali təhsil müəssisələrinin stendlərinə baş çəkib, təqdim olunan yeniliklərlə yaxından tanış olub, həmçinin xarici universitetlərin nümayəndələri ilə əlaqə quraraq, təhsil barədə ətraflı məlumatlar əldə ediblər.
Qeyd edək ki, XIII Beynəlxalq Təhsil Sərgisi gənclər, təhsil müəssisələri və şirkətlər arasında ünsiyyət üçün mühüm platformadır və yeni imkanlar yaratmaqla yanaşı, həm də maraqlı və perspektiv layihələri gündəmə gətirir.
Xatırladaq ki, Azərbaycan İlahiyyat İnstitutu XIII Beynəlxalq Təhsil Sərgisində debüt edir. Ziyarətçilər sərgidə ali təhsil müəssisəsində ixtisaslar, təqaüd proqramları, ödənişsiz təhsil imkanları, İnstitutun beynəlxalq əlaqələri, xarici universitetlərlə bağlanılmış müqavilələr, müəssisədə keçirilən tədbirlər, konfranslar, həmçinin əldə olunan nailiyyətlər haqqında geniş məlumat ala bilərlər. Həmçinin onlar İnstitutun fəaliyyətini əks etdirən Azərbaycan, rus, ingilis və ərəb dillərində kataloq, broşür və bukletlərlə; mətbu nəşrləri – “Din araşdırmaları” jurnalı, “İlahiyyatçı” qəzeti, “İlahiyyat” jurnalı; konfrans materialları və “İlahiyyat nəşrləri” adı altında layihəyə əsasən nəşr olunan ali təhsil müəssisəsi müəllimlərinin kitabları ilə tanış olmaq imkanına sahibdirlər.
![](https://www.ens.az/images/uploads//cc900be4795964e8c819c7bceedd8c7a.jpg)
![](https://www.ens.az/images/uploads//11f99232458c7b676b481fe8578a2815.jpg)
![](https://www.ens.az/images/uploads//3661010da059235d01ad844fb8214199.jpg)
![](https://www.ens.az/images/uploads//035d47b31b6aac3e39d6821b8ace4b77.jpg)
Şərhlər
Şərhləri göstər Şərhləri gizlət