Alimlər: uşaqlar imtahandan əvvəl nə yeməlidir?
Araşdırmalar nəticəsində məlum olub ki, tapşırlıqların öhdəsindən daha dəqiq və sürətli gəlməyə qaragilə kömək edir.
İmtahanlardan əvvəl uşaqlar qaragilə yeməlidir. Rediq universitetinin alimləri aydınlaşdırıblar ki, o beyin aktivliyinin qısa müddətli güclənməsinə təsir göstərir. Bu barədə The Telegraph xəbər verir.
Alimlər aşağı məktəb yaşlı uşaq qrupu ilə işləyiblər. Tədqiqatçılar uşaqlara asan tapşırıqlar verdilər. Hər məktəbli kompüterin ekranındakı oxun gedişatını izləməli idi. Eyni zamanda onun istiqamətinə uyğun olan düyməni basmaq lazım idi.
Tapşırıqdan əvvəl qaragilə şirəsi içən uşaqlar testi daha tez həll edirdilər və digərlərindən 10% daha dəqiqliklə yerinə yetirirdilər.
Müəllif: Famil Ələkbərov
Şərhlər
Şərhləri göstər Şərhləri gizlət