Aşıq Valeh - Olsun
Telli sazım, səni məndən eyləyən,
Ömür boyu bu aləmdə xar olsun.
Gəlməsin baharı, açmasın gülü,
Fəryad etsin, qəlbi ahü-zar olsun.
Kimsəsi olmasın qəlbin dindirə,
Yeddi yerdən başı keçsin kəndirə,
İstəkli balası düşsün təndirə,
Könül mülkü boran olsun, qar olsun.
Yüz il xəstə yatsın, cismi ölməsin,
Ürəyi şad olub, üzü gülməsin,
Həkimlər, loğmanlar dərdin bilməsin,
Gözləri kor, qulaqları kar olsun.
Aşıq Valeh nə bəlaya tuş oldu,
Bahar fəsli çovğun, boran, qış oldu,
Sərsəm etdi səri, çaşqın huş oldu,
Namərdə nifrəti eldə car olsun.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət