Kimisi sevgi etirafı yazır, kimisi isə irad və təklifini bildirir
Qazaxdakı çay evi divarlarından asılan yazılarla diqqəti cəlb edir. İnsanları daha çox bu ismarıclarla özünə cəlb edən obyektin əsas müştəriləri gənclərdir. Çünki onlar buraya gələrək kiçik kağızlara öz etiraflarını və ya çağırışlarını mesaj şəklində yazırlar. Çay evində kifayıt qədər maraqlı ismarıclara rast gəlmək olur.
Kimisi sevgi etirafı yazır, kimisi isə irad və təklifini bildirir...
Qazaxdakı çay evlərindən birində maraqlı ismarıclara rast gəlmək olar.
Buraya gələn müştərilər gedərkən bir mesaj qoyur. Bu ismarıclar ya sevgi etirafları olur, ya ad günü təbrikləri, ya da aforizm və ya gülüş doğuran sözlər. Əksər müştərilərinin gənclər olduğu çay evində belə ənənə təxminən 1 ildir davam edir.
Müştəriləri buraya çəkən əsas səbəb də elə içəridə yazılan ismarıclardır. Onlar deyirlər ki, bura gəlib həm əylənir və istirahət edir, həm də özlərindən bir xatirə qoyub gedirlər.
Obyekt sahibi deyir ki, ismarıcların yazılması ideyası müştəri fəallığını artırmaq və daha çox gəncləri cəlb etmək olub ki, buna da nail olublar. Fəaliyyət göstərdiyi 1 il ərzində çay evində təxminən 2 minə qədər ismarıc yazılaraq divarlara yapışdırılıb.
Mənbə: Xezerxeber.az
Şərhlər
Şərhləri göstər Şərhləri gizlət