Bakıdakı 53 nömrəli tam orta məktəbdə uğurlu layihələr reallaşdırılır

Bakıdakı 53 nömrəli tam orta məktəbdə uğurlu layihələr reallaşdırılır

Bakıdakı 53 nömrəli tam orta məktəbdə təhsilin inkişafı istiqamətində əhəmiyyətli layihələr reallaşdırılır, uğurlu nəticələr qazanılır.

Bu barədə AZƏRTAC-a məktəbin direktoru Firəngiz Həsənova məlumat verib. Direktor qeyd edib ki, 2017-2018-ci tədris ilində təhsil müəssisəsini 170 şagird bitirib. Onlardan ikisi – Sevgin Hüseynova və Bəhram Cəfərov qızıl medala layiq görülüblər.

Təhsil müəssisəsinin builki məzunlarından 18-i Dövlət İmtahan Mərkəzi tərəfindən ali məktəblərə keçirilən qəbul imtahanlarında 600-dən yuxarı bal toplayıb. Məzunların 85 faizi müxtəlif ixtisaslar üzrə universitetlərə qəbul olunub. Onlardan bir neçəsi Türkiyə, Almaniya, Rusiya, Ukrayna, Macarıstan və digər ölkələrdə təhsil alacaq.