Beynəlxalq konfransda azərbaycanlı alimin məruzəsi maraq doğurub

Beynəlxalq konfransda azərbaycanlı alimin məruzəsi maraq doğurub

Londonda Avropa Yer Elmləri Alimləri və Mühəndisləri Assosiasiyasının (EAGE) 81-ci beynəlxalq konfransı və sərgisi keçirilib.

Azərbaycan Milli Elmlər Akademiyasının Neft və Qaz İnstitutundan AZƏRTAC-a bildirilib ki, konfransda dünyanın tanınmış geoloqları, geofizikləri, geokimyaçıları, neft və qaz yataqlarının işlənməsi üzrə mütəxəssisləri, ekoloqları, yer elmləri üzrə alimləri və mütəxəssisləri iştirak ediblər.

Neft və Qaz İnstitutunun elmi katibi, yer elmləri üzrə fəlsəfə doktoru Şəlalə Hüseynovanın “Cənubi Xəzər hövzəsinin qərb bortunun karbohidrogen sistemlərinin geokimyəvi tədqiqi və modelləşdirilməsi” mövzusunda məruzəsi konfrans iştirakçıları tərəfindən maraqla qarşılanıb.