"Bəzi pandemiya xəstəxanaları bağlanıb" - Şöbə müdiri

Pandemiya fövqəladə bir vəziyyət hesab olunur və heç bir ölkənin səhiyyə sistemi bu şəraitə hazır ola bilməz.

Ens.az Telegraf.com-a istinadən xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bu gün keçirilən brifinqində deyib:

"Pandemiya zamanı bütün səhiyyə sistemi bu işə səfərbər olunur. Ölkəmizdə pandemiya dövründə bütün şəhər və rayonlarımızda həkimlərə təlimlər keçirilib. Hazırda da təlimlərimiz davam edir. Payız-qış mövsümünə ciddi hazırlaşırıq. Bəzi pandemiya xəstəxanalarımız bağlanıb və qış mövsümünə hazırlaşırlar. Ümumiyyətlə, bu istiqamətdə bütün ehtiyac olan işlər görülür".