Britaniyalılar astronavtlar üçün yolsuzluq avtomobili hazırladılar

Ens.az xəbər verir ki, kosmosa uçmaq üçün Virgin Galactic şirkəti ilə müqavilə bağlayan xoşbəxtlər gözlənilməz bonus əldə etdilər: ancaq onlar özlərinə xüsusi Astronaut Edition versiyasında Range Rover sifariş edə biləcəklər.

Land Rover şirkəti kosmik turistlər üçün  Range Rover-in xüsusi versiyasını hazırlayıb - yolsuzluq avtomobilini ancaq məşhur amerikalı biznesmen Riçard Brensonun Virgin Galactic özəl kosmik şirkətinin müştəriləri sifariş edə bilərlər.

Range Rover Astronaut Edition dekorasiyası ilə fərqlənir: banın rənglənməsi üçün gecə göyünün gözəlliyindən ilhamlanmış Zero Gravity Blue tünd göy rəngdən istifadə edilmişdir. Həmçinin avtomobildə Virgin Galactic kosmik gəmisinin silueti olan emblemlər tapa bilərsiniz.

Stəkanaltılarda Virgin Spaceship Unity gəmisinin enmə dayağından hazırlanmış iki disk quraşdırılıb: onlardan birində See you up there (“Yuxarıda görüşərik”) yazılıb, digərində isə marşrut təsvir olunub.  Uçuşdan sonra ikinci disk səyahət haqqında məlumatı olan taxta ilə əvəz olunacaq.

Həmçinin mərkəzi tunelin karbon paneli və qoltuqaltına DNA of Flight, başlığa Virgin Galactic kosmik gəmisinin silueti həkk olunmuş, qapıların alüminium tutacaqları isə gələcək astronavtlar icmasının şirkət bürcləri ilə bəzədilmişdir.