Əldə telefon yuxuya getmək təhlükəlidir

“Ölkə.Az” xəbər verir ki, bu barədə Con Hopkins univeristetinin professoeru Vsevolod Polotskiy məlumat verib. Onun sözlərinə əsasən, bu vəziyyətdə yuxuya getmək sağlam yuxunun düşmənidir. Yuxudan əvvəl elektronikadan və yeməkdən imtina etmək isə orqanizm və yaxşı yuxu üçün əla seçimdir.
“Yuxunun pozulması vaxtın çox hissəsinin sosial şəbəkələrdə keçirilməsi ilə əlaqəlidir. Daimi olaraq şüalanma bioloji saatımıza təsir edir. Sosial şəbəkədə “gəzərək” yuxuya getmə vərdişi yuxusuzluq, bioloji saatlarda problem, yuxu fazasının pozulması və gün ərzində yuxulu gəzmə ilə nəticələnə bilər. Orta yaşlı insan gün ərzində ən azı 7 saat yatmalıdır. Yataqda kompüter, planşet, telefon kimi qadcetlərdən istifadə etməməlidir. Yuxudan iki saat əvvəl isə ağır qida qəbul etməməli, ağır idmanla məşğul olmamalıdır”, - deyə alim bildirib.

Professor əlavə edib ki, gecə vaxtı sağlam və keyfiyyətli istirahət üçün uşaqlarla və ev heyvanları ilə birgə yatmaq vərdişini tərkitmək, sakitlikdə və normal tempraturda yatmaq lazımdır.

Polotskiy özünümüalicə və yuxu dərmanları almağa tələsməməyi məsləhət görür.