İnam Kərimov Fransada azərbaycanlı fermerlərə tərcüməçilik etdi

İnam Kərimov Fransada azərbaycanlı fermerlərə tərcüməçilik etdi

Fransanın Cournon-d’Auvergne şəhərində Sommet d’Elevage Beynəlxalq Heyvandarlıq Sərgisinin açılışı olub. 

Oxu.Az xəbər verir ki, Clermont-Ferrand şəhərinin meriyasının təşkilatçılığı ilə keçirilən tədbirdə Azərbaycanı Kənd Təsərrüfatı naziri İnam Kərimovun rəhbərlik etdiyi nümayəndə heyəti təmsil edib.

Nazir İnam Kərimovun təşəbbüsü ilə azərbaycanlı fermerlər də sərgini ziyarət edib. İnam Kərimov fermerlərimizə tərcüməçilik edib, onlara sərgidə nümayiş olunan mal-qara ilə bağlı məlumat verib.

Ümumilikdə, budəfəki sərgiyə 38 ölkədən 35 qonaq və 95 min iştirakçı qatılıb. Tədbirdə 70 növ olmaqla 2000 mal-qara nümayiş olunur. 

Hər il keçirilən sərgi oktyabrın 4-də başa çatacaq.