LUIGI COLANI

Luici Kolani (alman. Luigi Colani) - 2 avqust 1928-ci ildə Berlində varlı bir ailədə anadan olub, doğulan zaman adı, almanca Lutz Colani-dir. Atası (italyan-İsveçrə mənşəli) bir film rəssamı olaraq çalışmışdır, anası Polşadan idi.
1946 – cı ildə Berlin Rəssamlıq Akademiyasını heykəltəraşlıq və rəssamlıq ixtisası üzrə bitirib.
1947 – ci ildə Sorbonnada aerodinamika təhsili alır. 1952-ci ildə Kaliforniyadakı (ABŞ) McDonnell Douglas aviasiya müəssisəsində ultrayüksək sürətlər sahəsində tədqiqatlar aparır. Sonra Fransada idman avtomobillərini tərtib etdi, 1954-cü ildə Cenevrə avtosalonunda Fiat 1100 gövdəsinin dizaynına görə "Qızıl Gül" mükafatına layiq görüldü.
1960 – cı illərdə Alfa Romeo, Lancia, Volkswagen, BMW şirkətləri ilə əməkdaşlıq etdi. 1963-cü ildə alman bankı üçün Dresdner Bank-ı üçün fil şəklində qəpik bankasının - çox məşhurlaşmış və hələ də müxtəlif suvenirlər, zinət əşyaları və digər əşyalar kimi istifadə olunan "Drumbo elephant money box" dizaynını hazırladı.
1972-ci ildən ThyssenKrupp, Boeing, Rosenthal (elit masa keramikası), Rockwell International (uçan aparatlar), Villeroy & Boch (santexnika) konsernləri üçün sınaq dizaynı hazırlayır.
1972-ci il - Formula-1 Eifelland Type 21-in dizaynını hazırlayır. 1973-cü ildə Yaponiyada Dizayn Mərkəzini açdı. 1976-cı ildə Uankel (Wankel) rotor mühərriki ilə plastik RFB Fanliner-dən hazırlanmış dünyanın ilk təyyarəsini təqdim etdi.
1981-ci ildə fransız Citroën 2CV (orijinal 2CV mühərrik və şassi) əsasında hazırlanmış Colani 2CV avtomobili yanacaq qənaətində dünya rekordu qurdu, istehlak - 100 km-ə 1,7 litr benzin idi. 1983-cü ildə Frankfurt avtosalonunda Porsche 959 seriyalı modelinin prototipini təqdim etdi. Həmin il Luici Kolani Yaponiyada yaşamağa köçdü. 1984-cü ildə elektron videoaxtarış cihazı olan Canon HY-PRO kamerasının inqilabi dizaynını təqdim etdi və gələcək onilliklər üçün Canon kameraları üçün dizayn konsepsiyasını hazırladı, hazırlıqlar nəticəsində "5 System" kameralar seriyası təqdim edildi.
1988-ci ildən Bremen Universitetinin əməkdar professorudur.
1990-cı ildə Yaponiya və Taylandda memarlıq layihələri hazırlayır. 
1992-ci ildə Kolaninin Dortmunddakı işinin ilk tam miqyaslı retrospektivi (keçmişə müraciəti) baş verdi. 1993-cü ildə Kolani, Vobis şirkəti üçün kompüter dizaynı yaratdı. 1995-ci ildə Lünen şəhərində (Almaniya) "Kolani" dizayn mərkəzi açıldı. 1997-ci ildə Schimmel şirkəti üçün Colani "Pegasus" Grand Piano royalının müasir dizaynını yaratdı, belə möhtəşəm pianinolar Lenny Kravitz, Prince, Eddie Murphy tərəfindən alındı. 1998-ci ildə Kolani bank terminallarının dizaynında iştirak etdi. Carolinen-Brunnen (Almaniya) şirkəti üçün su şüşələrinin dizaynı ilə gündəmə gəlir. 1999-cu ildə Almaniyanın "Dusar" şirkəti üçün yeni bir duş kabini təqdim etdi, Kusch & Co şirkəti üçün mebel layihələndirdi.
2000-ci ildə Milan, Paris və Las Veqasdakı optika sərgilərində Colani gözlük çərçivələri kolleksiyasını təqdim etdi. 2001-ci ildə Seagull (Çin) şirkəti üçün yeni bir mikroskop və kamera layihəsini təqdim edir. 2002-ci ildə İsveçrənin Valser şirkəti üçün "Colani" şüşə layihəsini təqdim etdi. 2003-cü ildə Hamburq polisi üçün geyim forması hazırlanması ilə məşğul olmuş, Alekto-TT62 reaktiv təyyarəsini hazırlamış və eyni zamanda Colani Spitzer müasir avtomobil layihəsini həyata keçirmişdir.
Porsche, Mazda, Mercedes-Benz, Ferrari, Ford üçün konsept avtomobillər hazırladı. 2002-ci ildən Karlsruhe (Almaniya) şəhərində yaşayırdı. Son illərdə dizayner, Çində işlədi.
Luici Kolani 16 sentyabr 2019-cu ildə Almaniyanın Karlsrue şəhərində vəfat edib.

Luici Kolaninin bəzi əl işlərini sizlərə təqdim edirəm

_{Colani C 112 (1970). Mecredes-Benz C 111 üçün alternativ bir dizayn}

_{Colani Truck 2001 (1978)}

_{Colani SuperTruck (2006)}

_{Colani L’Aiglon (1976)}

_{Colani Horch Mega-Roadster (1996). Əfsanəvi Horch markasının canlanması üçün bir dizayn yaratmaq cəhdi}

_{Colani Street-Ray (2006)}

_{Colani Street-Ray (2006)}

_{Colani Le Mans Prototype (1970)}

_{Colani Utah 8 (1989). BMW motosikl mühərriki olan idman prototipi. Boyu - cəmi 90 sm, çəkisi - 550 kq}

_{Colani Corvette Charisma (1989). Bəli, Chevrolet Corvette belə ola bilərdi}

Ancaq, mənim diqqətimi bu modellər yox, ustanın Rusiya avtomobil sənayesi üçün yeganə layihəsidir:

Bəli, bəli, konsepsiya Lada GORBI adlanırdı. Bu müasir yolsuzluğu Luigi Collani 1987-ci ildə "Niva" bazasında hazırlanmışdır. AvtoVAZ alman dizaynerini yeni konsepsiya avtomobili hazırlamağa dəvət etdi: Niva 4x4 əsaslı yüngül yolsuzluq. Kollani tapşırığa yaradıcılıqla yanaşdı.

Mühərrik bazanın mərkəzinə tərəf yönəldimişdir, buna görə avtomobilin manevr qabiliyyətini artırmaq və dönmə radiusunu azaltmaq üçün arxa sükan oxunu aldı. Salonda yalnız iki oturacaq qaldı - sürücü və sərnişinlər - hər ikisi də yolsuzluqda rahatlıqla getmək üçün yarı uzanmış vəziyyətdə yerləşməli idi. Xüsusiyyətlərinə görə yolsuzluqdan daha çox kvadrotsiklə bənzəyirdi: güclü mühərrik, yerlə təması və böyük diametrli təkərlər ilə Lada Gorbi saatda 200 km/saat sürəti yığa bilərdi. Ancaq prototip bir nüsxədə qaldı.

Mənbə: AVTO KLUB AZƏRBAYCAN