![Maqnit qasırğası gözlənilir - Baş ağrıları və miqrenin yüksəlməsi halları ola bilər](https://ens.az/images/news/d0eddef88a452baf674cc1241fcfe08e.jpg)
Maqnit qasırğası gözlənilir - Baş ağrıları və miqrenin yüksəlməsi halları ola bilər
Ölkədə meteohəssas insanlar üçün əlverişsiz durum proqnozlaşdırılıb.
Azərbaycan Milli Elmlər Akademiyasının N.Tusi adına Şamaxı Astrofizika Rəsədxanasından Trend-ə verilən məlumata görə, yaxın günlərdə Günəş küləyi parametrlərinin əhəmiyyətli dərəcədə güclənəcəyi gözlənilir. Küləyin sürəti 650 – 700 km/san-yə qədər artacaq. Sürətin artmasına əsas səbəb tac dəliyindən çıxan yüksək sürətli axınlar effektidir.
Bu gün geomaqnit sahədə ümumən sakitlik, lakin fasilələrlə fəal şərait müşahidə olunacaq. Güclənən Günəş küləyi səbəbindən sabah günün ikinci yarısından etibarən maqnit qasırğasının olacağı gözlənilir. Eyni həyəcanlaşmanın 28 sentyabrda da davam edəcəyi proqnozlaşdırılır. Həmin günün ikinci yarısından etibarən maqnit qasırğasının yaratdığı şərait nisbətən az fəal şəraitlə əvəzlənəcək, günün sonuna isə ümumi sakitliyi bərpa olunacağı ehtimal olunur. Maqnit qasırğasının yaranması ehtimalı bu gün 5%-dən, sentyabrın 27-28-də uyğun olaraq 35% və 40%-dən aşağı qiymətləndirilir.
Şərhlər
Şərhləri göstər Şərhləri gizlət