Molla Cümə - Mədəd

Gecə-gündüz duam budur,
Cabbar Cəlildən mədəd.
Axır zaman peyğəmbəri
Rəsul Xəlildən mədəd.
Dörd sahaba, dörd məlayik,
Həzrət Cəbrayildən mədəd.
Doğru rahda bizim üçün
Olan dəlildən mədəd.
Adəmin cəsədi yoğrulan
O abi-gildən mədəd.

Yüz iyirmi dörd min Nəbi 
Dünyaya qılmış zühur,
Yeddi qat yer, yeddi qat göy,
Ərş, kürs, Qafin, Tur.
Şəms, Qəmər, mələk, nücum,
İnsi, cins, mari, mur,
Yüz sühufnan endi Tövrat,
Furqani, İncil, Zabur,
İxlasnan Yasin, maha
Oxuyan dildən mədəd.