Paucidentomys vermidax - Yeganə dişsiz gəmirici
İndoneziya adası olan Sulavesidəki tropik meşədə balaca gözləri, böyük qulaqları və uzun burnu olan Paucidentomys vermidax gəmiricisi yaşayır. Latın dilindən onun adı “dişsiz siçovul” kimi tərcümə olunur. Həqiqətən də bu gəmiricinin demək olar ki, dişləri yoxdur.
Paucidentomys vermidax ancaq yuxarı iki kəsici dişə malikdir ki, bunlar da ona rasionundakı yeganə komponenti - yağış soxulcanlarını yeməyə imkan verir. Əgər heyvan soxulcanı tuta bilirsə o onu ilk əvvəl sorur, kəsici dişləri ilə bölür, daha sonra isə tüpürür. Ancaq bundan sonra alınmış məhlulu yeyir.
Hazırda Paucidentomys vermidax gəmirməyi bacarmayan yeganə gəmiricidir. Onu 2012-ci ildə aşkar ediblər, lakin indiyə qədər alimlərə onun vərdişləri və həyat tərzi məlum deyil.
Müəllif: Famil Ələkbərov
Şərhlər
Şərhləri göstər Şərhləri gizlət