Qış

Qış

Şimal və cənub yarımkürələrində astronomik və təqvim qış fəsli
	Təqvim	Astronomik
Şimal yarımkürəsi	1 dekabr — 28/29 fevral	Qış gündönümü (21-22 dekabr) - yaz gecə-gündüz bərabərliyi (20-21 mart)
Cənub yarımkürəsi	1 iyun — 31 avqust	Yay gündönümü (20-21 iyun) - payız gecə-gündüz bərabərliyi (22-23 sentyabr)

 

Xalq təqviminə görə, qış fəsli 3 hissəyə bölünür: böyük çillə 40 gün, kiçik çillə 20 gün çəkir. Onlardan sonra Novruzadək qalan 30 gün boz ay adlanır. Dekabrın 21-dən yanvarın 30-dək böyük çillə, yanvarın 31-dən fevralın 19-dək kiçik çillə, fevralın 20-dən martın 20-dək boz ay davam edir.

Bir çox heyvanlar - ayılar, kirpilər, porsuqlar öz yuvalarına girir, və yaza kimi yatırlar. Digər heyvanlar uzun qışa özlərinə məxsus olan tərzdə uyğunlaşırlar: dovşan və dələlər xəzlərini qarın üzərində daha az seçiləninə, canavar və tülkü isə daha isti və xovlusuna dəyişirlər.