Şah İsmayıl Xətai - Bu aləm hüsninə heyrandır, ey dust
Bu alǝm hüsninǝ heyrandır, ey dust!
Sana bu qönçǝ lǝb xǝndandır, ey dust!
Mǝn ol Yǝqubi-nisbǝt zar buldum,
Cǝmalın Yusifi-Kǝnandır, ey dust!
Hilali qaşını ta gördü çeşmim,
Bu canım eydinǝ qurbandır, ey dust!
Sana bu künfǝkan valeh bulubdur,
Ki, hüsnin surǝti-rǝhmandır, ey dust!
Cǝmalın sǝfhǝsindǝ xǝttü xalın,
Yüzündǝ ayǝti-qurandır, ey dust.
Sǝnin eşqin vücudim şǝhri içrǝ,
Bu könlüm tǝxtinǝ sultandır, ey dust!
Xǝtaiyǝ demişsǝn cövr edim çox,
Yenǝ lütfü yenǝ ehsandır, ey dust!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət