![Səbaildə suyun verilməsi bərpa edilib?](https://ens.az/images/news/794f5bf53d1b9c3ac93d1febc340b749.jpg)
Səbaildə suyun verilməsi bərpa edilib?
Xəbər verdiyimiz kimi, torpaq sürüşməsi nəticəsində Bibiheybət qəsəbəsi ərazisindən keçən 500 mm diametrli magistral su xəttində yaranmış qəza ilə əlaqədar Səbail rayonu 20-ci sahə, Bibiheybət və Şıxov qəsəbələrinə içməli suyun verilməsi dayandırılmışdı.
“Azərsu” ASC-nin mətbuat xidmətinin rəhbəri Anar Cəfərli “Qafqazinfo”ya bildirib ki, artıq sözügedən ərazilərin böyük hissəsində içməli su ilə təmin olunub:
“500 mm-lik magistral su xəttini də sıradan çıxdığından mütəxəssislərimiz qiymətləndirməyə başlayıb və qərara alınıb ki, həmin xəttin qəzalı hissəsindəki siyirtmə bağlanılsın. Bu səbəbdən, qəza ərazində suyun verilişi dayandırılır. Ancaq arxada qalan Bibiheybət və Şıxov qəsəbələrinə həmin gün axşamdan su verilməyə başlayıb.
20-ci sahənin əsas qidalandırıcı xətti artıq sıradan çıxmışdı və alternativ variant kimi şəhər istiqamətinə, yəni Bayraq Meydanı tərəfdən gedən xəttimizin siyirtmələrini açdıq. Eyni zamanda Badamdar layihəsində 20-ci sahəyə suyun verilməsi nəzərdə tutulmuşdu və biz həmin xətti də şəbəkəyə qoşmuşuq. Su kanal idarəsinin rəisi bildirdi ki, artıq böyük ərazi su ilə təmin olunub. Jurnalistlərin binası və o ətrafdakı kiçik ərazi hazırda su almır. Bu gün yeni birləşmə veriləcək və həmin ərazilərin də içməli su ilə təmin olunması gözlənilir”.
“Azərsu” ASC rəsmisi onu da qeyd edib ki, artıq sürüşmə zonasındakı borunun da təmir olunması işlərinə başlanılıb.
Günel Hacı
Şərhlər
Şərhləri göstər Şərhləri gizlət