![Səhiyyə Nazirliyi: Evdə müşahidəyə götürülənlərin hamısı COVID-19 xəstəsi deyil](https://ens.az/images/news/sehiyye-nazirliyi-evde-musahideye-goturulenlerin-hamisi-covid-19-xestesi-deyil.jpg)
Səhiyyə Nazirliyi: Evdə müşahidəyə götürülənlərin hamısı COVID-19 xəstəsi deyil
“Bakı üzrə evdə müşahidəyə götürülən şəxslərin hamısı koronavirus xəstəsi deyil”.
Ens.az xəbər verir ki, bunu “Report”a açıqlamasında Səhiyyə Nazirliyinin Aparat rəhbəri Nadir Zeynalov deyib.
O bildirib ki, nəzarətə götürülənlərin əksəriyyəti, yəni 60-70 faizi şübhəli və ya kontaktda olmuş adamlardır:
“Həmin vətəndaşların arasında koronavirusa yoluxma halının müəyyənləşdirilməsi ilə əlaqədar testin nəticəsi pozitiv çıxanlar da, neqativ çıxanlar da var. Bakıda nəzarət altında olanlar arasında testin nəticəsi müsbət çıxanlar isə ölkə üzrə koronavirusa yoluxanların siyahısına daxildir”.
Qeyd edək ki, son iki həftə ərzində Bakıda 10 202 vətəndaş evdə nəzarətə götürülüb.
Xatırladaq ki, iyulun 10-a aid statistik göstəricilərə əsasən, Azərbaycanda koronavirusa yoluxanların sayı 22 990 nəfər, infeksiyadan sağalanların sayı 14 093 nəfər, ölənlərin sayı 292 nəfər təşkil edir.
Şərhlər
Şərhləri göstər Şərhləri gizlət