Toyota yeni loqotipini təqdim edib

Toyota şirkəti yeni loqotipini təqdim edib: emblemin dizaynı ikiölçülü olub və beləliklə daha minimalist hala gəlib. Əvvəllər Nissan, Volkswagen və BMW şirkətləri də emblemlərini eyni prinsipə uyğun olaraq dəyişdirmişdi.

Digər vacib bir yenilik, loqotipin artıq markanın adını göstərən yazı olmadan müstəqil şəkildə istifadə ediləcəyidir. Şirkətin belə addım atması loqotipin artıq tanınan olması ilə əlaqədardər. Buna görə də, onu lazımsız elementlərlə yükləməyə ehtiyac yoxdur.

Ens.Az autograph.az-a istinadən bildirir ki, üçölçülü təsvirdən ikiölçülü görüntüyə keçid müasir tendensiyalarla izah olunur və belə loqotipin həm istehsalçının adi avtomobilləri, həm də perspektivli elektromobilləri və pilotsuz nəqliyyat vasitələri üçün eyni dərəcədə uyğun olmasıdır.

Toyota şirkətinin Avropa bölməsi, yeni loqotipdən korporasiyanın fəlaiyyət göstərdiyi bütün sahələrdə istifadə ediləcəyini və hazırkı variantın isə indiki xətt üçün aktual qalacağını bildirib. Yeni tərtibata keçid tədricən aparılacaqdır. Məsələn, diler şəbəkəsinin rebrendinqi 2025-ci ilə qədər keçirilməlidir.