Boris Conson Trampla bir yerdə görünməməyə qərar verdi
Britaniyanın Baş naziri Boris Conson ABŞ prezidenti Donald Tramp ilə ictimaiyyətdə birgə görünmələrini minimuma endirmək qərarına gəlib.
Bu barədə “Times” mənbəyə istinadən xəbər verir.
Qəzetin məlumatına görə, Conson Trampın Böyük Britaniyaya səfərinin Mühafizəkar Partiyanın seçkiqabağı kampaniyasına zərər vura biləcəyindən ehtiyat edir.
Tramp NATO sammitində iştirak etmək üçün bazar ertəsi axşam Londona gələcək. Böyük Britaniyada isə mətbuat konfransı keçiriləcəyi çərşənbə gününə qədər qalacaq.
Tramp və Consonun bir yerdə iki dəfə görülə biləcəyi gözlənilir: yeməklərdən birində və NATO sammitinin açılışında.
Qeyd edək ki, Amerika prezidenti Consonu dəfələrlə Böyük Britaniya üçün münasib Baş nazir və yaxşı insan adlandırıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət