Dünyada ilin ən yaxşı hava limanı

Dünyada ilin ən yaxşı hava limanı

Dünyanın qabaqcıl hava yolu şirkətlərindən biri olan Asya Pasifik Aviasiya Mərkəzi tərəfindən bu sektora verdiyi böyük töhfələr və il ərzində 30 milyondan çox sərnişinin istifadə etdiyi aeroportu olaraq İstanbulun Səbiha Gökçən hava limanı ilin ən yaxşı aeroportu seçilib.

Modern.az xəbər verir ki, bu barədə Səbiha Gökçən hava limanı məlumat yayıb.

Məlumata əsasən, Maltada keçirilən Dünya Aviasiya Zirvəsində təşkil olunan mükafatlandırma mərasimində Səbiha Gökçən adına mükafat aeroportun baş meneceri Ersəl Görala təqdim edilib.

Türkiyənin ikinci, Avropanın isə 12-ci ən işlək hava limanı hesab edilən Səbiha Gökçən beynəlxalq aeroportu ildə təxminən 35 milyon sərnişinə xidmət göstərir.