HƏMAS Qəzzada İsrailin 800-dən çox texnikasını məhv edib

HƏMAS Qəzzada İsrailin 800-dən çox texnikasını məhv edib

“Qəzza zolağında eskalasiya başlayandan bəri İsrail qüvvələrinə məxsus 800-dən çox texnika məhv edilib”.

Yeniavaz.com “Əl Cəzirə” telekanalına istinadla xəbər verir ki, bu bəyanatla HƏMAS-ın silahlı qanadı “İzzəddin əl-Qəssam Briqadaları”nın nümayəndəsi Əbu Ubeydə çıxış edib.

“İsrailin Qəzzaya təcavüzü başlayandan bəri 825 İsrail texnikası HƏMAS tərəfindən məhv edilib”, - deyə Əbu Ubeydə bildirib.

Digər tərəfdən, “İzzəddin əl-Qəssam Briqadaları”nın nümayəndəsi Qəzzada hərbi əməliyyatlar dayandırılana qədər girovların dəyişdirilməsi ilə bağlı heç bir razılaşma olmayacağını təsdiqləyib.

“İsrailin Fələstin xalqına qarşı təcavüzü bitənə qədər heç bir girov mübadiləsi olmayacaq”, - Əbu Ubeydə deyib.