“İndi hər şey yaxşıdı...” -Afaq Bəşirqızı yıxılmasından danışdı

Xəbər verdiyimiz kimi Xalq artisti Afaq Bəşirqızı pilləkəndən yıxılaraq xəsarət alıb. 

 

Moderator.az-a açıqlamasında A.Bəşirqızı artıq səhhətinin yaxşı olduğunu bildirib:

 

“Hadisə bir neçə gün öncə baş verib və indi hər şey yaxşıdı. Evdə istirahət edirəm. Diqqətinizə görə hamınıza təşəkkür edirəm”-dəyərək telefonu söndürüb. 

 

Qeyd edək ki, hadisə Akademik Musiqili Teatrda baş verib. Belə ki, aktrisa liftə daxil olan zaman əlini səhvən pilləkənin tutacağına atıb. O, beşinci mərtəbədən 4-cü mərtəbəyə doğru yuvarlanıb. Hadisə nəticəsində Afaq Bəşirqızının ağır xəsarət aldığı deyilirdi.