NASA tərəfindən hazırlanan Mars üçün Dron planetin tədqiqatında inqilab edə bilər.
Yarım il sonra, əgər hər şey yolunda gedərsə, Persversance marsdagəzəni Qırmızı Planetə Ingenuity ("İxtiraçılıq") adlı kopter çatdıracaq. Əgər cəmi iki kiloqramdan bir qədər az çəkisi olan və marsdagəzənə simsiz kanal vasitəsilə bağlanan bu cihaz, uça bilsə, bu, planetin öyrənilməsi tarixində dönüş anı olacaq.
NASA-nın mühəndis-mexaniki Coş Raviçin sözlərinə görə, kopter daha çox hərəkətlilik təmin edəcək və marsdagəzən üçün əlçatmaz yerləri, məsələn, müxtəlif dərələr və kanyonları daha ətraflı araşdırmağa imkan verəcək.
Mars atmosferinin sıxlığı Yerdəkindən təqribən yüz dəfə azdır. Qravitasiya da nəzərəçarpacaq dərəcədə azdır. Tərtibatçılar cihazın tam istənilən uçuş edə biləcəyinə əmin deyillər, lakin yenə də uğur qazanacağına ümid edirlər. Raviç qeyd edib ki, bu, hər şeydən əvvəl nümayiş- texniki missiyadır. Əgər o baş tutarsa, Ingenuity təcrübəsi əsasınd, kardinal dərəcədə genişlənmiş növbəti missiyalar hazırlanacaq.
Mənbə: gismeteo.ru
Şərhlər
Şərhləri göstər Şərhləri gizlət