Qatarlarda yüksək sürətli internetin tətbiqi ildə 300 milyon dollar gəlir gətirə bilər

Qatarlarda yüksək sürətli internetin tətbiqi ildə 300 milyon dollar gəlir gətirə bilər

Rusiyada 2022-ci ilədək qatarların və təyyarələrin yüksək sürətli internetlə təmin edilməsi planlaşdırılır.

Bu barədə “İzvestiya”ya Milli Texnologiya Təşəbbüsünün mətbuat xidmətindən bildirilib.

Qeyd edilir ki, layihələndirilən simsiz əlaqə sistemi mövcud peyk standartlarına və mobil əlaqələrə (3G, 4G və 5G) uyğun olacaq. Bundan başqa, o, real rejimlə pilotsuz təyyarələri idarə etmək imkanı da verəcək.

"Aeronet"in işçi qrupunun rəhbərlərindən biri Sergey Jukov qeyd edib ki, nəqliyyat vasitələrində şlüz yerləşdiriləcək və istifadəçilər yüksək sürətli internetə qoşula biləcəklər. Hər retranslyator 150 kilometr radiusunda işləyəcək.

Mütəxəssislərin fikrincə, yüksək sürətli internetin təkcə dəmir yolunda tətbiqi ildə 21,5 milyard rubl (300 milyon dollar) gəlir gətirə bilər.