Türkiyədə oyunun qaydaları dəyişib: Ermənistandan olan miqrantlar deportasiya edilə bilərmi?

Ruben Melkonyan hesab edir ki, Ərdoğanın gözlənilməzliyini nəzərə alsaq, Ermənistan hökuməti öz miqrantlarının Türkiyədən deportasiya edilməsinə hazır olmalıdır.

Ens.az xəbər verir ki, Ermənistandan olan əmək miqrantlarının Türkiyədən deportasiyası təhlükəsi praktikada tətbiq oluna bilər, belə ki, bu ölkədə oyunun qaydaları dəyişib. Sputnik Ermənistana müsahibəsində türkoloq Ruben Melkonyan bildirib ki, Türkiyə hökuməti erməni miqrantların çıxarılması qərarını qəbul edə bilər.

Ekspertin sözlərinə görə, Türkiyədə müxalifət siyasətçilərinə qarşı repressiyalar, millətçiliyin təzahürləri, həmçinin media və dissidentlərin təqib olunması halları çoxalıb.

“Bundan başqa, Türkiyə prezidentinin gözlənilməzliyi də bu ssenariyə hazır olmaq lazım olduğunu istisna etmir”, - türkoloq qeyd edib.

Bununla yanaşı Melkonyan qeyd edib ki, qeyri-qanuni miqrant ermənilərin problemi Türkiyənin ictimai və siyasi müzakirələrində yeni deyil. İlk dəfə olaraq bu məsələni erməniləri ölkədən deportasiya etməklə təhdid etməklə Tansu Çiller baş nazir olan zaman qaldırmışdı. Daha sonra Türkiyənin digər liderləri də bundan nümunə götürdülər. Hazırkı prezident Rəcəb Tayyib Ərdoğan dəfələrlə belə bəyanatlar verib.

Melkonyanın sözlərinə görə, Ermənistan sakinlərinin Türkiyədən deportasiya edilməsinin səbəbləri çoxdur: Türkiyədəki bu və daxili problemlər, Azərbaycana qarşı öhdəlikləri və Ermənistana qarşı düşmənçiliyin güclənməsi.

“Həmçinin şayələr gəzir ki, erməni miqrantlarının deportasiya edilməsinin mümkün səbəbi bizim sülhməramlıları Suriyaya göndərməyimiz ola bilər. Amma məncə bu əsas səbəb ola bilər, axı unutmaq lazım deyil ki, Suriyada erməni qoşunları hərbi deyil, humanitar missiyanı yerinə yetirir”, - türkoloq bildirib.

Digər tərəfdən, miqrantlar deportasiya olunduqda Ermənistanın özü ilə problemlər yaranacaq, amma respublikanın hökuməti artıq çoxdan vəziyyətin belə inkişafına hazır olmalı idilər.

Yeri gəlmişkən, müxtəlif mənbələrdə Türkiyədəki erməni miqrantların sayı ilə bağlı müxtəlif məlumatlar verilir. Türkologun fikrincə, onların sayının 60-70 minə çatması haqqında olan məlumatlar çox şişirdilib. Onun sözlərinə görə, mifik məlumatları türk təbliğatçıları uydurublar. Əslində isə onların sayı 15-20 min nəfərdən çox deyil.