![Xəritəyə baxın, onda görəcəksiniz ki, Türkiyə... - NATO](https://ens.az/images/news/bd776af245d836d9e2114dafc36e79ab.jpg)
Xəritəyə baxın, onda görəcəksiniz ki, Türkiyə... - NATO
Xəritəyə baxaraq Türkiyənin geostrateji mövqeyini və NATO üçün önəmli ölkə olduğunu anlamaq mümkündür.
Axar.az xəbər verir ki, bu sözləri NATO rəhbəri Yens Stoltenberq Fransa mediasına açıqlamasında deyib.
Ötən ay Türkiyəyə səfərində “Sülh çeşməsi” əməliyyatı ilə bağlı narahatlığını ifadə edən alyans rəhbəri qardaş ölkə haqda bunları bildirib:
“Bütün müttəfiqlər hərəkatla bağlı tənqidi fikirlər səsləndirdi. Lakin heç kim Türkiyənin NATO-dakı mövqeyi barədə fikir yürütmədi. Türkiyə bazalarından müttəfiqlərinin istifadəsinə icazə verərək, İŞİD-ə qarşı mübarizəyə qoşuldu. Suriya və İraqla sərhədi olan tək NATO müttəfiqi Türkiyədir. 3,6 milyon miqranta ev sahibliyi edir. Türkiyənin geostrateji mövqeyini anlamaq üçün xəritəyə baxmaq kifayətdir. Düşünürəm ki, bu faktorlar fikir ayrılıqlarının müzakirəsinə mane olmayacaq”.
Şərhlər
Şərhləri göstər Şərhləri gizlət