Yaponiyada güclü zəlzələlər baş verib

Yaponiyanın mərkəzində bir neçə güclü zəlzələ baş verib.

Yeniavaz.com xarici KİV-ə istinadən xəbər verir ki, ölkənin Milli Meteorologiya İdarəsinin məlumatına görə, İşikava və Niiqata prefekturaları ərazisində maqnitudası 7,4-ə çatan zəlzələlər baş verib.

Hazırda tələfat və dağıntılar barədə məlumat yoxdur, lakin ölkənin bütün qərb sahilləri üçün sunami təhlükəsi elan edilib - dalğanın hündürlüyü 5 m-ə çata bilər. Yerli sakinlərdən dərhal sahilyanı ərazini tərk etməyə çağırılır.

Eyni zamanda, bütün ölkə ərazisində güclü zəlzələlər barədə xəbərdarlıq sistemi işə salınıb. Yerli sakinlər yeni təkanlara hazır olmağa çağırılıb.