![Zelenski 2024-cü il üçün əsas hərbi hədəfi elan etdi](https://ens.az/images/news/zelenski-2024-cu-il-ucun-esas-herbi-hedefi-elan-etdi.jpg)
Zelenski 2024-cü il üçün əsas hərbi hədəfi elan etdi
Ukraynanın 2024-cü ildə əsas hərbi məqsədi Krımın təcrid olunmasıdır.
Ens.az Axar.az-a istinadən xəbər verir ki, bu sözləri Ukrayna Prezidenti Vladimir Zelenski “Ekonomist”ə (The Economist) müsahibəsində deyib.
“Krımın təcrid olunması və orada Rusiyanın hərbi potensialının deqradasiyası bizim üçün son dərəcə vacibdir. “Taurus” raketləri Ukraynaya 4 milyard dollarlıq Kerç körpüsünü dağıtmağa, Krım yarımadasını Rusiyadan təcrid etməyə və bölgədən hücumların sayını azaltmağa imkan verə bilər”, - Zelenski bildirib.
Zelenski quru müharibəsinin problemlərini də açıqlayıb:
“Bizim vəzifəmiz Ukraynanın bu çox mühüm şəhərlərini - Xarkov, Dnepr, Zaporojye, Xerson, Nikolayevi xilas etmək, şərqi və cənubu, həmçinin ölkəmizin mühüm infrastrukturlarını qorumaqdır”.
Şərhlər
Şərhləri göstər Şərhləri gizlət