ABŞ F-16-ları müasir radarlarla təchiz edir

ABŞ ordusu 372 ədəd “F-16 Fighting Falkon” qırıcı təyyarəsini aktiv fazalaşdırılmış antena qəfəsli ən son radiolokasiya stansiyaları ilə təchiz edəcək.

Axar.az xəbər verir ki, bu barədə məlumatı ABŞ Müdafiə Nazirliyi yayıb.

“Hərbi Hava Qüvvələrinin F-16 qırıcıları üçün 372 ədəd radiolokasiya stansiyası istehsalının təmin edilməsi məqsədilə “Northrop Grumman” şirkəti ilə 1,008 milyard dollar dəyərində müqavilə imzalanıb. Anlaşmaya əsasən, işlər 2027-ci ilin mayına qədər tamamlanmalıdır”, - deyə bildirilib.

Qeyd edək ki, ABŞ HHQ bu tipli 790 təyyarəyə sahibdir.